Həkim-nevroloq, Yeni Klinikanın İnsult Mərkəzinin şöbə müdiri
Kəskin insultun diaqnostikası və təcili müalicəsi, insultdan sonrakı bərpa dövrünə nəzarət və təkrar insultun qarşısının alınması.
Dr. Minarə Çərkəzzadə nevrologiya üzrə mütəxəssis həkimdir və 2023-cü ildən Bakıdakı Yeni Klinikanın İnsult Mərkəzinə rəhbərlik edir. İnsult və digər kəskin nevroloji vəziyyətlərin multidissiplinar idarə olunması üzrə təcrübəlidir; mərkəzdə müalicə nevroloqlar, invaziv radioloqlar və digər mütəxəssislərlə birgə aparılır.
Azərbaycan Tibb Universitetini bitirdikdən sonra nevrologiya üzrə uzmanlıq təhsilini İstanbul Universitetinin İstanbul Tibb Fakültəsində alıb. Elmi maraqları epileptik ensefalopatiyalar, qlial biomarkerlər və klinik neyroimmunologiyadır.
İnsultda hər dəqiqə önəmlidir: nə qədər tez müdaxilə edilsə, beyin toxumasını xilas etmək və pasiyentin müstəqil həyata qayıtması şansı bir o qədər yüksək olur. Yeni Klinika beynəlxalq Angels təşəbbüsünün insult şəbəkəsinə daxil olan xəstəxanalardandır.
Əsas istiqamət insult və digər kəskin nevroloji vəziyyətlərdir — kəskin dövrdən bərpa mərhələsinə qədər.
Təcili diaqnostika, tıxanmış damarın açılmasına yönəlik müalicə və ilk günlərdə intensiv nevroloji nəzarət.
Beyinə qansızmadan sonra vəziyyətin izlənməsi, arterial təzyiqə nəzarət və müalicənin idarə olunması.
Keçib gedən əlamətlərin səbəbinin araşdırılması və yaxın dövrdə insult riskinin qiymətləndirilməsi.
Arterial təzyiq, ürək ritmi pozuntuları, xolesterin və şəkər kimi risk amillərinə fərdi nəzarət planı.
Reabilitasiya dövründə nevroloji müşahidə, müalicənin davamlılığı və ailəyə qulluq üzrə tövsiyələr.
Başgicəllənmə, uyuşma, zəiflik, nitq və görmə pozğunluqları, epileptik tutmalar kimi şikayətlər üzrə müayinə.
İnsult əlamətləri qəfil başlayır. Aşağıdakılardan hər hansı birini görsəniz, gözləməyin — dərhal təcili yardım çağırın. Müalicənin nəticəsi vaxtdan birbaşa asılıdır.
Qəfil başgicəllənmə, yeriyərkən müvazinətin pozulması.
Bir və ya hər iki gözdə qəfil görmə itkisi, ikiləşmə.
Üzün bir tərəfinin sallanması, gülümsəyəndə asimmetriya.
Bir qolda və ya ayaqda qəfil zəiflik, uyuşma.
Dilin dolaşması, söz tapa bilməmək, danışığı anlamamaq.
Əlamətlərin başladığı saatı qeyd edin və dərhal 103-ə zəng edin.
Tədqiqatları epileptik ensefalopatiyalar, qlial biomarkerlər və klinik neyroimmunologiya sahələrini əhatə edir.
«Epileptik ensefalopatiya: qlial aktivlik faktorlarından biomarker kimi istifadə oluna bilərmi?»
Kəskin işemik insultla müraciət edən pasiyentdə tıxanmış beyin damarı invaziv radioloq tərəfindən təcili açılıb. Sonrakı müalicə İnsult Mərkəzinin şöbə müdiri Dr. Minarə Çərkəzzadə və həkim-nevroloq Emin Nəsirovun nəzarəti ilə aparılıb, nevroloji əlamətləri aradan qalxan pasiyent bir neçə gün sonra evə buraxılıb.
Qəbul Yeni Klinikada aparılır. Gəlməzdən əvvəl zəng edib vaxtı razılaşdırmağınız tövsiyə olunur.
Sualınızı yazın və ya qəbula yazılmaq üçün müraciət edin. Cavab almaq üçün telefon nömrənizi və ya e-poçt ünvanınızı qeyd edin.
Təcili halda formu gözləməyin — dərhal 103-ə zəng edin.